Pa słovach Juryja Supranoviča, pracy pa ŭźviadzieńni tunelaŭ na ŭčastku treciaj linii mietro całkam vykananyja. Što tyčycca novych stancyj, to «Aeradromnaja» hatovaja na 86%, «Niemaršanski Sad» — na 55%, «Słucki Haściniec» — na 20%.
Raniej paviedamlałasia, što stancyi buduć uviedzienyja ŭ siaredzinie 2023 hoda.
Taksama Juryj Supranovič dadaŭ, što z uviadzieńniem u stroj novych stancyj budzie skarektavanaja naziemnaja sietka transpartu ŭ hetym rajonie.
«Pakolki nieracyjanalna dublavać liniju mietro, intervały ruchu [naziemnaha transpartu] buduć skarektavanyja, niesumnienna źjaviacca dadatkovyja maršruty hramadskaha transpartu, jakija buduć iści da novych stancyj», — skazaŭ jon.
Pieršyja čatyry stancyi novaj linii mietro ŭ Minsku, ad «Kavalskaj Słabady» da «Jubilejnaj płoščy», adkryli ŭ listapadzie 2020 hoda.