Adna z najbujniejšych u śviecie handlovych sietak pa prodažy tavaraŭ i mebli dla doma IKEA ŭ červieni zajaviła ab kančatkovym sychodzie z Rasii i Biełarusi. Heta źviazana ź situacyjaj vakoł Ukrainy.

Treba zaŭvažyć, što ŭ Biełarusi da hetaha času nie było nivodnaha aficyjnaha pradstaŭnika IKEA — usia pradukcyja pastupała praz pasiarednikaŭ. Adnak z 2000 hoda pracavała ź biełaruskimi vytvorcami. Była ideja pabudavać u Biełarusi zavod poŭnaha cykłu i adkryć bujnuju kramu, ale tak i nie realizavałasia. U tym liku, vierahodna, z-za surjoznaj kankurencyi dla biełaruskich meblevych fabryk. Zrešty, sami fabryki achvotna ŭzialisia za vytvorčaść tavaraŭ dla hetaha viadomaha brenda. Kala 10 vytvorcaŭ-pastaŭščykoŭ pastajanna pracavali dla IKEA. 

«Minski meblevy centr» z Maładziečna adnym ź pieršych pačaŭ vyrablać tavary dla IKEA — u asnoŭnym heta stały, kamody i kresły. Naprykład, dobra viadomyja kresły Kaustby.

Taksama ŭ Maładziečnie robiać i kamody Hemnes.

Vytvorčaściu draŭlanych stałoŭ, kresłaŭ (naprykład, Agom) i palic dla IKEA zajmałasia i Babrujskaje drevaapracoŭčaje pradpryjemstva «FanDOK», ale kala 10 hadoŭ tamu supracoŭnictva spyniłasia.

Na mahiloŭskaj fabrycy «Olsa» dla hetaha brenda vyrablali raskładnyja łožki (naprykład, raskładanka Flemma).

A jašče adzin Mahiloŭski zavod «Miebiełajn» pastaŭlaŭ korpusnuju meblu z šponu, nabory mebli dla haścinaj i spalni, kamody, stały i palicy dla IKEA. I navat rassoŭny stoł Bjursta, jakija mnohija lubiać za toje, što možna pastavić navat małahabarytnych kvaterach, rodam z «Miebiełajn».

Pradpryjemstva «Mahateks» taksama z Mahilova, z 2010 hoda vypuskała vialiki asartymient štor, a taksama abrusy i survetki dla IKEA. Voźmiem, da prykładu hardzinnaje pałatno Alvine spets.

«Siniaŭskaja fabryka mebli», raźmieščanaja ŭ Kleckim rajonie, taksama mieła kantrakt z IKEA, tam vypuskali mietaličnyja śpinki, nožki i viešałki dla zborki zedlikaŭ, kresłaŭ i dziciačych łožačkaŭ.

Treba zaŭvažyć, što IKEA zaŭsiody z pavahaj staviłasia da biełaruskich vytvorcaŭ i tavary sumlenna padpisvała Made in Belarus.

Što ciapier? Dla IKEA ŭ Biełarusi pracavali niekalki tysiač supracoŭnikaŭ. Ciapier vyrablać pradukcyju dla IKEA buduć u asnoŭnym u Polščy. Akramia taho, u Minsku pracavaŭ ofis zakupak i łahistyki pa pracy z pastaŭščykami, a ciapier jaho začynili.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?