Supracoŭniki milicyi i ratavalniki MNS Dziaržynskaha rajona poźnim viečaram 14 vieraśnia byli terminova padniatyja pa tryvozie — kala vioski Marcinovičy źnik 12-hadovy chłopčyk. Jaho znajšli siońnia na dośvitku (15 vieraśnia) u Minsku, paviedamlaje mlyn.by.
Paviedamleńnie ab prapažy pastupiła ŭ 22:00.
Dla pošukavych rabot byli zadziejničanyja 14 adzinak techniki i 67 čałaviek, ź ich dzieviać adzinak techniki i 32 rabotniki MNS. 15 vieraśnia ŭ 05:12 źnikły chłopčyk byŭ znojdzieny supracoŭnikami MUS. Dastavili ŭ najbližejšuju dziažurnuju častku, potym pa jaho pryjechali ź Dziaržynskaha rajona i zabrali dadomu.
Viadoma, što chłopiec z prystojnaj siamji. Zaŭsiody znachodzicca pad kantrolem baćkoŭ. Vučycca dobra. Za «dziaviatki» i «dziasiatki» ŭ vučobie jaho zaachvočvajuć. Kali atrymlivaje nizkija acenki — prosta spakojna razmaŭlajuć pra toje, što vučycca treba dobra.