Fota RBK-Ukraina

Fota RBK-Ukraina

U aŭtorak rasijskija vojski nanieśli dva rakietnyja ŭdary pa abjekcie enierhietyčnaj infrastruktury ŭ Dniapry, u vyniku čaho na im pačaŭsia pažar. Niekatoryja rajony horada zastalisia biez elektryčnaści i vodazabieśpiačeńnia, paśla ataki abiastočanaja adna z pompavych stancyj «Dniaprovodakanała».

Mer Charkava Ihar Cierachaŭ paviedamiŭ, što ŭ horadzie trapiŭ pad abstreł rajon adnaho z pramysłovych pradpryjemstvaŭ. «Za piać chvilin było dźvie sieryi vybuchaŭ», — napisaŭ jon u telehram-kanale. Z-za vybuchaŭ u Charkavie prypynienaja praca mietro.

Jašče dva «pryloty» pa abjekcie enierhazabieśpiačeńnia zafiksavanyja ŭ Žytomiry, a taksama try ŭdary pa infrastrukturnym abjektu na Levym bierazie Kijeva, zajaviŭ namieśnik kiraŭnika Ofisa prezidenta Ukrainy Kirył Cimašenka. U abodvuch haradach nazirajucca pieraboi z enierhazabieśpiačeńniem.

Taksama paviedamlałasia ab udarach pa Kryvym Rozie i Mikałajevie. Pa źviestkach kiraŭnika Mikałajeŭskaj abłasnoj administracyi Vitala Kima, rakietnyja ŭdary ŭ Mikałajevie pryjšlisia pa kvietkavym rynku i dvuchpaviarchovym domie. Paźniej u im pad zavałami znajšli cieła zahinułaha mužčyny.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?