Bandarenku zatrymlivali dvojčy, praviali vobšuk, zabrali telefon.
«Zaviali spravu pa troch momantach (reposty infarmacyi pra Vasila Parfiankova), skrynšoty zrabili. Skazali, što za kožny skrynšot — pa 15 sutak. A telefon zabrali na miesiac na infarmacyjnaje daśledavańnie. I ja zrazumieŭ, što ŭ hetym telefonie jany znojduć takoje, što mianie vyviezuć u les i pa ich zakonach prosta rasstralajuć, jak u 37-m. Ja zrazumieŭ, što znachodzicca tam nielha. I źbieh z balnicy», — kaža mužčyna.
U balnicu jaho zabrali paśla źbićcia siłavikami, jakija sami vyklikali «chutkuju».
«Lekary z «chutkaj» zrazumieli, što mianie treba špitalizavać. Mianie ŭžo vieźli ŭ IČU, i ja kankretna razumieŭ, što budzie 45 sutak, paśla jany jašče niešta znojduć i zrobiać zamiest administracyjnaj — kryminalnuju spravu. Da hetaha 15 sutak ja siadzieŭ, kali moj brat Vasil Parfiankoŭ zahinuŭ, maci jaho zatrymlivali z rodnaj siastroj».
Ciapier Bandarenka znachodzicca ŭ Polščy ŭ łahiery dla biežancaŭ.
Biełaruski dobraachvotnik Vasil Parfiankoŭ zahinuŭ 26 červienia pad Lisičanskam. I da i paśla jaho hibieli łukašysty teraryzavali jaho siamju.