Tarhi projduć 29 listapada, pačatkovy košt łota — 9,6 młn rubloŭ (kala 4 młn dalaraŭ). Padać zajaŭku na aŭkcyjon sa svajoj prapanovaj možna da 16:00 28 listapada.
«Mahnit Minska» — adzin z samych znakamitych daŭhabudaŭ stalicy. Jaho pačali płanavać jašče ŭ 2006 hodzie, a ŭłasna budaŭnictva zapuščana ŭ 2009-m.
Budynak na skryžavańni praśpiekta Niezaležnaści i vulicy Kiryły Turaŭskaha pieršapačatkova budavała iranskaja kampanija. Kompleks zajaŭlaŭsia jak šmatfunkcyjanalny, u jaho składzie pavinny byli być hatel, ofisy, handlova-zabaŭlalnaja častka. Ale budaŭnictva ciaham mnohich hadoŭ prasoŭvałasia vielmi pavolna.
U vyniku los daŭhabuda ŭziała ŭ svaje ruki dziaržava. U lipieni Minharvykankam paviedamlaŭ, što ŭ im źbirajucca paśla dabudavańnia adkryć biełaruski handlovy dom, a «astatnija funkcyi kompleksu vyznačać z ulikam metazhodnaści i nieabchodnaści».
