Vodazabieśpiačeńnie, pa słovach Kličko, adnavili na levym bierazie, na pravym vada pavinna źjavicca ŭ pieršaj pałovie dnia.
Dakładnyja terminy viartańnia elektryčnaści nieviadomyja. Heta budzie zaležać ad adnaŭleńnia bałansu ŭ enierhasistemie Ukrainy, zajaviŭ Kličko.
Prablemy z elektryčnaściu zastajucca ŭ Adesie, paviedamlajuć miascovyja ŭłady. U pryvatnaści, u horadzie siońnia nie budzie pracavać elektratranspart.
U Mikałajeŭskaj vobłaści z-za rostu spažyvańnia elektryčnaści z ranicy nie chapaje mahutnaściaŭ u sistemie dla padłučeńnia nastupnych spažyŭcoŭ, piša kiraŭnik administracyi rehijona Vital Kim. U Dnieprapiatroŭskaj vobłaści biez elektryčnaści zastajucca da 50% žycharoŭ, paviedamlaje kiraŭnik administracyi rehijona Valancin Reźničenka.
Napiaredadni Minenierha Ukrainy zajaviła, što paśla rakietnaha abstrełu ŭsie AES krainy i bolšaść CES i HES byli abiastočanyja.
