Daktary patłumačyli joj, što raźviłosia zapaleńnie brušyny, prymać rašeńnie treba nieadkładna. Maša dała zhodu na apieracyju.
Joj zrabili łaparaskapiju ź nievialikim razrezam. Hajeńnie adbyvajecca narmalna, drenažu ŭžo niama. Pa słovach daktaroŭ u miedsančastcy kałonii, usie nieabchodnyja pracedury i analizy robiać.
Ciapier Maryja mała jeść, bo na hety momant ježa ŭ kałonii joj nie padychodzić. U miedsančastcy paabiacali skarektavać charčavańnie.
Maša nieadnarazova prasiła, kab usie padrabiaznaści ab jaje stanie i dyjahnazie paviedamili baćku.
***
U Maryi dyjahnastavali prabadzieńnie jazvy ŭ balnicy chutkaj dapamohi. Što heta značyć? Prabadzieńnie jazvy — utvareńnie skraznoj adtuliny ŭ ściency straŭnika. Źmieściva traplaje ŭ brušnuju połaść, i raźvivajecca zapaleńnie brušyny — pierytanit. Prabadzieńnie supravadžajecca raptoŭnym intensiŭnym («kinžalnym») bolem u žyvacie. Pierytanit pahražaje žyćciu pacyjenta i patrabuje nieadkładnaj miedycynskaj dapamohi.