U Bałharyi źjavilisia vialikija prablemy z datacyjami Jeŭrapiejskaha Sajuza. I davoli śpiecyfičnaha charaktaru.
Pavodle źviestak Ministerstva finansaŭ hetaj krainy, za try hady, što prajšli z času ŭstupleńnia Bałharyi ŭ ES, jana zdoleła vykarystać tolki 2% srodkaŭ, što joj byli adviedzieny ŭ biudžecie Jeŭrasajuza — 162 młn jeŭra.
Ekśpierty adznačajuć, što kali realizacyja finansavanych Jeŭrasajuzam prahram budzie ŭ Bałharyi iści takim tempam i dalej, to da 2013 hoda hetaja kraina zmoža skarystacca tolki z 18% srodkaŭ, jakija mahła b atrymać pry bolš pradumanaj haspadarčaj palitycy.
Cikava, što ŭ 2010 hodzie adbudziecca pramiežkavaje karektavańnie biudžeta ES. Na im moža być pryniata rašeńnie ab skaračeńni finansavańnia prahram, skiravanych na raźvićcio bałharskaj haspadarki.
0
0
0
0
0
0
