Ukrainski vajskoviec stralaje ŭ bok rasijskich pazicyj z harmaty Msta-B u Zaparožskaj vobłaści, 16 śniežnia 2022 hoda. Fota: AP / Kaciaryna Kłačko
Paviedamlajecca, što ŭ pavietra padnialisia camaloty rasijskaj stratehičnaj avijacyi ŭ režymie radyjomaŭčańnia.
U svaju čarhu apieratyŭnaje kamandavańnie «Poŭdzień» Uzbrojenych sił Ukrainy paviedamlaje, što ŭ Čornaje mora vyjšli dva padvodnyja rakietanoscy z 16 rakietami typu «Kalibr» napahatovie.
Mer Kijeva Vital Kličko paviedamiŭ pra niekalki vybuchaŭ va ŭkrainskaj stalicy.
Kijeŭskaja haradskaja vajennaja administracyja paviedamiła, što abłomki źbitaj rakiety paškodzili pryvatny dom u Darnickim rajonie i pryparkavany pobač aŭtamabil.
Vital Kličko zaklikaŭ kijeŭcaŭ zaradzić telefony i inšyja pryłady, a taksama zrabić zapas vady.
Sieryja vybuchaŭ u Adesie, paśla jakich uźniaŭsia husty słup dymu.
Miascovyja ŚMI infarmujuć ab adsutnaści śviatła i vady ŭ horadzie.
Taksama vybuchi ŭ Lvovie. «Zastavajciesia ŭ schoviščach», — zaklikaŭ mer horada Andrej Sadovy.
Horad zastaŭsia bieź śviatła, hramadski transpart nie pracuje.
Mer Charkava taksama paviedamiŭ pra rakietnuju ataku na horad.
«U horadzie sieryja vybuchaŭ. Papiarednie prylot u Słabadski rajon. Pa jakich abjektach bili i ci jość paciarpiełyja — infarmacyja pakul udakładniajecca», — piša Ihar Cierachaŭ.
«Nad Čornym moram źbili piać rasijskich rakiet», — raskazaŭ staršynia Mikałajeŭskaj abłasnoj administracyi Vital Kim.
Daradca kiraŭnika Ofisa prezidenta Ukrainy Michaił Padalak spačatku napisaŭ, što Rasija vypuściła pa Ukrainie 120 rakiet.
«Čakajem čarhovych prapanoŭ ad «miratvorcaŭ» pra «mirnaje ŭrehulavańnie», «harantyi biaśpieki dla Rasii i niepažadanaść pravakacyj», — napisaŭ jon u tvitary.
Ale paźniej hałoŭnakamandujučy USU Valeryj Załužny ŭdakładniŭ, što pa Ukrainie byli vypuščany 69 kryłatych rakiet. Siły abarony źbili 54 ź ich.
Inšy daradca Alaksiej Arastovič napisaŭ, što jašče čakajucca 2—3 chvali zapuskaŭ rakiet.
Rakieta prylacieła ŭ žyły dom u Ivana-Frankoŭskaj vobłaści, ale nie vybuchnuła. Fota apublikavaŭ namieśnik kiraŭnika Ofisa prezidenta Ukrainy Kiryła Cimašenka
