Na hety momant dakładna nie viadoma, ci źviazany aryšt 43-hadovaha Paŭła Padabieda ź jaho kolišniaj prafiesijnaj dziejnaściu.
Viadoma, što vosieńniu 2020-ha Paŭła zatrymlivali paśla adnoj z akcyj pratestu.
U raniejšyja hady jaho taksama nie raz zatrymlivali za spravy, źviazanyja z vykanańniem im jaho abaviazkaŭ. Paśla prezidenckich vybaraŭ 2010 hoda i nastupnaj pratesnaj aktyŭnaści hramadstva žurnalista razam ź inšymi kalehami nieadnarazova dastaŭlali ŭ adździaleńni milicyi — jak, naprykład, za aśviatleńnie «maŭklivych šeściaŭ» 2011-ha ŭ miežach akcyi «Revalucyja praz sacyjalnyja sietki» albo pierfomansaŭ padčas daterminovaha hałasavańnia ŭ «parłamient» ad kampanii «Havary praŭdu».
Pavodle infarmacyi Biełaruskaj asacyjacyi žurnalistaŭ, za kratami ciapier znachodziacca 32 pradstaŭniki miedyja.
