Skrynšot videa «Tok»
Talerčyk kaža, što dakładna nie viedaje, čamu ŭ vieraśni 2020-ha z pasady hienprakurora źniali Alaksandra Kaniuka.
Ale chodziać čutki, što jon jeździŭ u Brest i źbiraŭsia zavieści kryminalnuju spravu pa fakcie zabojstva Hienadzia Šutava.
Šutavu vystralili ŭ hałavu siłaviki 11 žniŭnia 2020 hoda, praz tydzień jon pamior u špitali. Sud pryznaŭ vinavatym samoha bieraściejca, a śviedku zabojstva pakaraŭ 10 hadami kałonii.
Kaniuka paśla 2020 hoda nakiravali pasłom u Armieniju.
Hienprakurora Andreja Švieda Talerčyk charaktaryzuje jak adukavanaha i ambicyjnaha čałavieka.
U vieraśni 2020 hoda Łukašenka vystupiŭ pierad prakurorami z pasyłam «časam nie da zakonaŭ». Talerčyk kaža, što Łukašenka daŭno nie prychodziŭ u ścieny Hienprakuratury.
«Jość kalehii pa vynikach pracy — jon chadziŭ na kalehii KDB, Śledčaha kamiteta, a ŭ prakuraturu nie chadziŭ. U 2011-m ci 2012-m jon byŭ — i nastupny raz, kali Švieda pryvioŭ.
U jaho ž usio žyćcio z hetaj prakuraturaj drennyja ŭspaminy. Jon ža byŭ pad kryminalnaj spravaj, kali źbiŭ svajho padnačalenaha-traktarysta — i spravu viała tady prakuratura. Jaho vyratavała toje, što jon staŭ deputatam i spravu zakryŭ adzin z prakurorskich supracoŭnikaŭ. I potym prakurory vydavali jamu siurpryzy».
Talerčyk zhadvaje byłoha hienprakurora Aleha Bažełku, jaki daŭ dazvoł na zatrymańnie Dźmitryja Paŭličenki pa padazreńni ŭ dačynieńni da źniknieńnia Hančara, Zacharanki i Krasoŭskaha. Paŭlučenku tady chutka vyzvalili, a Bažełku źniali z pasady.
Ci realistyčna pasadzić usich, chto pratestavaŭ i vykazvaŭsia ŭ sacsietkach? Aleh Talerčyk ličyć, što nie, i tłumačyć:
«Na maršy chadzili sotni tysiač biełarusaŭ. Niama ŭ nas stolki miescaŭ, stolki času i stolki supracoŭnikaŭ, kab apracavać takuju kolkaść čałaviek, a jašče pazbavić voli.
U samyja žorstkija časy ŭ miescach pazbaŭleńnia voli znachodziłasia 40 tysiač čałaviek.
Potym [były hienprakuror] Vasilevič prydumaŭ kancepcyju humanizacyi kryminalnaha pakarańnia ŭ 2011 hodzie, kab vyzvalić hetyja miescy pazbaŭleńnia voli. 40 tysiač — heta ŭžo była miaža, nie było kudy sadzić».
Jon ličyć, što kali b byli miescy ŭ turmach, to nie było b chatnich chimij pa palityčnych spravach.
Talerčyk raskazaŭ taksama, čamu pahadziŭsia ŭdzielničać u jutub-debatach z Azaronkam. Jon uśmichajecca, što heta była prosta avantura. Plus jon vyrašyŭ padtrymać Dzianisa Dudzinskaha, jaki maryŭ pra takija debaty, i kab nie składałasia ŭražańnie, što apazicyja baicca dyskutavać z łukašystami.
«Na hety Novy hod ja napisaŭ Dzianisu, pažadaŭ, kab jon inšyja mary pierad Novym hodam mieŭ. Bo jaho mara chutka ździejśniłasia, i ja pažadaŭ, kab jon štości karysnaje dla ŭsich biełarusaŭ zahadaŭ», — śmiajecca.
Da debataŭ jon ličyŭ, što Azaronak prosta vykonvaje niejkuju rolu na telebačańni, a akazałasia, što ź im «niemahčyma razmaŭlać ni ab čym».
Hladzicie vypusk całkam:
