Paviedamlajecca, što 88% ad usich padadzienych zapytaŭ byli zadavolenyja, a razhlad 2018 spraŭ jašče praciahvajecca.
Jak adznačaje ahienctva ES pa pytańniach nadańnia prytułku, letaś pa biełaruskich zapytach było pryniata 4436 rašeńniaŭ. 512 čałaviek atrymali admovy, status biežanca atrymali 423 čałavieki, a dadatkovuju abaronu — 3501 biełarus.
Dla paraŭnańnia: u 2021 hodzie było 487 admoŭ, status biežanca nadali 420 biełarusam, a dadatkovuju abaronu — 1046.
Uvohule ŭ 2022 hodzie krainy ES atrymali 966 tysiač zapytaŭ ab nadańni prytułku — heta prykładna na 50% bolš, čym u 2021-m. Najbolšuju kolkaść zvarotaŭ padali hramadzianie Siryi (132 tysiačy) i Afhanistana (129 tysiač). Za imi iduć hramadzianie Turcyi (55 tysiač), Vieniesueły (51 tysiača) i Kałumbii (43 tysiačy).
Najbolš časta stanoŭčyja rašeńni prymalisia adnosna hramadzian Siryi, Biełarusi, Ukrainy, Erytrei, Jemiena i Mali.