U Baranavickim rajonie na kompleksie pa vytvorčaści śvininy zahinuli dźvie tysiačy parasiat.
Jak paviedamili ŭ adździele infarmacyi i hramadskich suviaziaŭ UUS Bresckaha abłvykankama, 9 listapada ŭ 14.52 u Baranavicki RAUS z harrajadździeła pa nadzvyčajnych situacyjach pastupiła infarmacyja ab tym, što prykładna ŭ 05.45 na kompleksie pa vytvorčaści śvininy «Uschodni» (strukturnaje padraździaleńnie AAT «Baranavičychlebapradukt»), raźmieščanym niedaloka ad vioski Siaŭruki, adbyłosia adklučeńnie elektrazabieśpiačeńnia. U vyniku była spyniena praca sistemy prymusovaj vientylacyi ŭ dvuch śvinarnikach. Zahinuła dźvie tysiačy hałoŭ žyvioły vahoj 25—30 kh kožnaja. U 07.45 avaryjnaj bryhadaj RUP «Baranavickija rajonnyja elektryčnyja sietki» enierhazabieśpiačeńnie ŭ budynkach było adnoŭlena. Suma ŭronu vyśviatlajecca.
U KVS «Uschodni» paviedamili, što na kompleksie pracuje mižviedamasnaja kamisija, jakaja vyśviatlaje akaličnaści zdareńnia.