Kali adkinuć varyjanty, dzie pad zdaču prapanujuć tolki pałovu doma abo adzin z pavierchaŭ, a taksama staryja damy, to vyjdzie, što ceny na arendu katedžaŭ u stalicy i radyusie 10 km ad MKAD pačynajucca z 700 dalaraŭ za miesiac.
Z basiejnam i łaźniaj
Naprykład, za takija hrošy možna arandavać dom u vioscy Drazdova, što za 1,5 km ad MKAD.
Fota: realt.by
Ahulnaja płošča draŭlanaha doma — 150 «kvadrataŭ». U domie jość 4 žyłyja pakoi, basiejn i łaźnia, na dvary jość miesca dla barbiekiu. Dom całkam hatovy da pražyvańnia, jość paravoje aciapleńnie na hazie.
Fota: realt.by
Ale, hledziačy pa interjerach, jon bolš pachodzić na dom, u jakim chočacca žyć tolki pa vychodnych i padčas vakacyj.
Mini-katedž
Krychu daražej — za 800 dalaraŭ u miesiac — zdajecca nievialiki sučasny dom u lesaparkavaj zonie ŭ miežach stalicy. Dakładny adras: vulica Sasnovaja, 20a.
Fota: kufar.by
Ahulnaja płošča doma — 140 m², staić jon na ŭčastku pamieram 4 sotki. Dom całkam hatovy dla pražyvańnia. Aciapleńnie idzie ad elektryčnaści.
Vełkam u 90-ja
Roŭna za 1000 dalaraŭ zdajuć u arendu vielizarny katedž u Valarjanavie. Ahulnaja płošča budynka — 360 m².
Fota: realt.by
Zvonku pa svaim razmachu dom vyhladaje, jak i mnohija katedžy, jakija pačali budavać u 90-ch. Ale ramont u domie daloka nie šykoŭny. Navat pa mierkach tych samych dzievianostych i nulavych.
Fota: realt.by
Usiaho ŭ domie 5 žyłych pakojaŭ, jość kaminny pakoj. Kuchnia z vychadam u stałovuju. Na ŭvieś dom 3 sanvuzły.
Dom z kulturnymi i dobrazyčlivymi susiedziami
Pa staŭcy 1200 dalaraŭ u miesiac zdajecca paŭnavartasny dvuchpaviarchovy katedž u mikrarajonie «Zacań», što ŭnutry MKAD.
Fota: kufar.by
Ahulnaja płošča doma — 190 «kvadrataŭ», pamier učastka — 10 sotak. Dom častkova meblavany. Usie kamunikacyi, aproč aciapleńnia, centralnyja. Paravoje aciapleńnie pracuje ad hazavaha katła.
Fota: kufar.by
Arendadaŭca adznačaje, što pobač žyvuć kulturnyja i dobrazyčlivyja susiedzi, a sam dom maje vydatnaje raźmiaščeńnie pablizu ad Centralnaha rajona.
U krokavaj dasiažnaści — Cnianskaje vadaschovišča
Za 1300 dalaraŭ zdajuć jašče adzin vielizarny katedž, jaki znachodzicca ŭ miežach Minska. Dakładnaja płošča budynka nieviadomaja, ale pa fota bačna, što dom prastorny.
Fota: kufar.by
Zdajecca dom biez mebli. Haspadar u apisańni paznačyŭ, što ŭ krokavaj dasiažnaści ad doma — Cnianskaje vadaschovišča.
Interjery ŭ domie nie samyja sučasnyja. Na stoli možna ŭbačyć kasitony.
Basiejn i łaźnia na cokalnym paviersie
Za 1650 dalaraŭ na druhim zavułku Chałturyna zdajuć całkam hatovy dla pražyvańnia katedž z basiejnam i łaźniaj na cokalnym paviersie.
Taksama majecca haraž, u jaki, zhodna z apisańniem, musiać źmiaścicca dva krasoviery.
Ahulnaja płošča katedža 330 m². Pamier učastka — 6 sotak.
«Dom raniej u arendu nie zdavaŭsia, u im žyli tolki ŭłaśniki. Šukajem arandataraŭ biez chatnich žyvioł», — paznačana ŭ apisańni.
Dom z ułasnaj trenažornaj załaj
Za 2300 dalaraŭ u miesiac zdajecca sučasny dom u rajonie vulicy Maksima Bahdanoviča. Ahulnaja płošča trochuzroŭnievaha katedža 2017 hoda pabudovy składaje 330 «kvadrataŭ».
Fota: kufar.by
Dom zdajecca razam z usioj meblaj i technikaj. U adroźnieńnie ad papiaredniaha varyjanta, haspadary hatovyja puścić u svoj dom arandataraŭ ź dziećmi i hadavancami.
Fota: kufar.by
Ramont u domie sučasny. Adno z pamiaškańniaŭ na cokalnym paviersie abstalavanaje pad nievialikuju trenažornuju zału.
Fota: kufar.by
Jak paznačana ŭ apisańni, zasialicca ŭ hety katedž možna budzie nie raniej, čym z 1 žniŭnia.
Što tyčycca samych darahich prapanoŭ pa arendzie katedžaŭ, to ŭ Minsku i rajonie jość dva damy pa 7 tysiač dalaraŭ za miesiac.
Dom z tenisnym kortam
Adzin z takich katedžaŭ znachodzicca pa vulicy Padolskaj.
Jak paznačana ŭ apisańni da abjekta, na terytoryi katedža mieścicca basiejn i tenisny kort. Ahulnaja płošča — 500 «kvadrataŭ».
Fota: kufar.by
Zychodziačy z apisańnia da abjekta, možna pryjści da vysnovy, što ŭ hetym miescy ahienctva, jakoje raźmiaściła abjavu, maje adrazu niekalki elitnych katedžaŭ, jakija zdajucca ŭ arendu, bo havorycca pra ich u množnym liku.
Katedž na 1000+ kvadrataŭ
Druhi katedž, jaki zdajuć pa staŭcy 7000 dalaraŭ, znachodzicca ŭ Tarasavie.
Dom byŭ pabudavany ŭ 2010 hodzie. Jaho ahulnaja płošča składaje bolš za 1000 «kvadrataŭ», a žyłaja — 614. Tolki kuchnia zajmaje 43,4 m².
Fota: realt.by
Interjery vykanany ŭ kłasičnym styli. Dom całkam meblavany, abstalavany technikaj i hatovy dla kamfortnaha žyćcia i adpačynku.
Na ŭčastku, pra pamier jakoha infarmacyi ŭ apisańni niama, vykanany łandšaftny dyzajn.
Fota: realt.by
Aproč asnoŭnaha doma na ŭčastku možna ŭbačyć i inšyja pabudovy. Majecca tut i ŭłasny basiejn.
Fota: realt.by
U apisańni paznačana, što hety šykoŭny katedž zdajecca na praciahły termin. Dakładnuju infarmacyju možna atrymać tolki pa telefonie.
Čytajcie taksama:
Spatrebiłasia try hady i $200 000. Jak vyhladaje niezvyčajny dom-ziamlanka biełaruskaha architektara
Pradajuć kvateru za 750 tysiač dalaraŭ u minskaj «stalincy» na Braniavym
Vakoł Minska vystavili na prodaž rekordnuju kolkaść damoŭ
