Dla paraŭnańnia: u kancy červienia naličvałasia 1337 likvidavanych NKA, u kancy maja — 1315, krasavika — 1283, sakavika — 1249, u kancy śniežnia 2022 hoda — 1173, listapada — 1102, kastryčnika — 1057, vieraśnia — 1020.
Pavodle infarmacyi pravaabaroncaŭ, na kaniec lipienia nie mienš jak 880 niekamiercyjnych arhanizacyj (854 na kaniec červienia, na kaniec maja — 845) znachodziłasia ŭ pracesie likvidacyi z ulikam padadzienych pazoŭnych zajaŭ ab prymusovaj likvidacyi ŭ sud, prymusovaha vyklučeńnia z Adzinaha dziaržaŭnaha rehistra jurydyčnych asob i indyvidualnych pradprymalnikaŭ.
Kolkaść arhanizacyj, jakija pryniali rašeńnie ab samastojnaj likvidacyi, rehularna pavialičvajecca. Na kaniec lipienia takich było 492 (pa vynikach červienia — 483, maja — 470, krasavika — 459, sakavika — 470, śniežnia 2022-ha — 416).
Jak i raniej, rašeńnie ab samalikvidacyi prymajecca pierš za ŭsio z pryčyny cisku na siabroŭ i supracoŭnikaŭ NKA, niespryjalnaha pravavoha asiarodździa, ahulnaj hramadska-palityčnaj situacyi ŭ krainie, adznačajecca ŭ ahladzie.
Čytajcie taksama:
Likvidujuć Biełaruskuju asacyjacyju cyhanoŭ «Roma»
«Sudździa byŭ trochi ŭ šoku». Viarchoŭny sud likvidavaŭ partyju «Zialonyja»
