Prajekt biudžetu na 2010 hod praduhledžvaje pavyšeńnie padatku na dadadzienuju vartaść z 18% da 20%, paviedamiŭ ministr finansaŭ Andrej Charkaviec,
vystupajučy 7 śniežnia na pašyranym pasiadžeńni kamisii pa biudžecie, finansach i padatkovaj palitycy Pałaty pradstaŭnikoŭ.
Charkaviec adznačyŭ, što prajekt biudžetu praduhledžvaje admienu čatyroch padatkaŭ:
u fond padtrymki sielhasvytvorcaŭ, miascovy padatak z prodaž tavaraŭ u roźničnym handli, miascovy zbor za rehistracyju transpartnaha srodku i miascovy zbor za parkoŭku.
Pavodle słoŭ ministra, pry admienie hetych padatkaŭ biudžetnyja zbory pamianšajucca na 2,3 trłn. rubloŭ. «Tamu nam nieabchodna kampiensacyja hetych srodkaŭ. U jakaści takoj miery my pavialičvajem PDV z 18% da 20%. Heta dazvolić dadatkova pryciahnuć 1,7 trłn. rubloŭ», — skazaŭ Charkaviec.
Jon taksama paviedamiŭ, što prajekt biudžetu‑2010 uličvaje patencyjalnyja ryzyki, ź jakimi možna sutyknucca pry jaho vykanańni.
0
0
0
0
0
0