Momant padzieńnia drona na terytoryi Rumynii, apublikavany MZS Ukrainy. Fota: facebook.com / OLEG.NIKOLENKO.50
Pošukavyja raboty byli praviedzienyja prykładna za 2,5 km na paŭdniovy ŭschod ad rajona Płaŭru paśla atrymańnia infarmacyi ad miascovych uładaŭ.
«Rajon ačepleny vajskoŭcami, vyjaŭlenyja elemienty buduć sabranyja dla analizu i techničnaj ekśpiertyzy», — paviedamlajuć u viedamstvie.
«Ministerstva nacyjanalnaj abarony rašuča asudžaje ataki Rasijskaj Fiederacyi na abjekty i elemienty hramadzianskaj infrastruktury va ŭkrainskich partach na Dunai. Hetyja ataki nieabhruntavanyja, jany surjozna supiarečać normam mižnarodnaha humanitarnaha prava i ŭjaŭlajuć saboj vajennyja złačynstvy», — zajaŭlajuć u rumynskim Ministerstvie abarony.
Adznačajecca, što vajskoŭcy zastajucca ŭ stanie bajavoj hatoŭnaści i buduć praciahvać pračesvać rajony «pablizu miescaŭ, dzie rasijskija siły ažyćciaŭlajuć ataki na abjekty infrastruktury ŭkrainskich partoŭ na Dunai».
U noč na 4 vieraśnia Rasija atakavała partovuju infrastrukturu ŭ Izmailskim rajonie Adeskaj vobłaści. Ukraina zajaviła, što rasijskija drony ŭpali na terytoryi Rumynii. Rumyny admaŭlali heta niekalki dzion, ale 6 vieraśnia ministr abarony krainy pryznaŭ, što na jaje terytoryi znajšli abłomki rasijskaha drona.
Čytajcie taksama:
ZŠA aficyjna abviaścili ab nadańni Ukrainie snaradaŭ sa źbiednienym uranam
Mer Maskvy paviedamiŭ pra niekalki bieśpiłotnikaŭ, jakija lacieli ŭ bok rasijskaj stalicy
