Fota ilustracyjnaje
Jak paviedamlaje Nacbank, u Biełarusi za pieršaje paŭhodździe vyjaŭlena 402 falšyvyja kupiury — heta na 2,9% mienš, čym za anałahičny pieryjad 2022 hoda.
Asnoŭnuju masu padrobak pa-raniejšamu składajuć dalary ZŠA — na ich dolu prypadaje 86,5% vyjaŭlenych banknot. Na falšyvyja jeŭra prypała 7,5%, rasijskija rubli — 4,5%, biełaruskija rubli — 1,5%.
Kolkaść padroblenych dalaraŭ vyrasła na 0,6% (da 348 banknot), a voś falšyvyja jeŭra stali znachodzić udvaja čaściej, čym u minułym hodzie (30 banknot).
Kolkaść padrobak u rasijskich rublach skaraciłasia na 60,9% (z 46 da 18 banknot), a ŭ biełaruskich rublach zastałasia na tym ža ŭzroŭni (6 banknot).
Adznačajecca, što ŭ studzieni-červieni ŭdałosia vyjavić padroblenyja banknoty naminałam 500 jeŭra, čaho nie zdarałasia ŭ pieršym paŭhodździ minułaha hoda. U toj ža čas u 2,2 razu čaściej stali padrablać kupiury vartaściu 50 jeŭra i ŭ 2 razy čaściej — 200 jeŭra.
Siarod vyjaŭlenych padroblenych biełaruskich rubloŭ akazalisia navat dźvie banknoty ŭzoru 2000 hoda naminałam 20 tys. rubloŭ.
U cełym bolš za dźvie traciny padroblenych kupiur vyjaŭlali ŭ stalicy, a ŭ cełym jany sustrakalisia ŭ pieršym paŭhodździ ŭ 39 nasielenych punktach Biełarusi.
Čytajcie taksama:
Biez uliku denaminacyj kurs dalara dasiahnuŭ 333 miljonaŭ rubloŭ
Dalar siońnia abnaviŭ hadavy maksimum
U žychara Lozna chočuć kanfiskavać 400 tysiač rubloŭ, zaroblenych na kryptavalutach
