Zatrymanyja ŭ Vaŭkavysku. Źleva naprava: Viktar Kručkoŭski, Valeryj Hryhorčyk, try nieviadomyja mužčyny. Fota: staronki «UKantakcie» zatrymanych, videa HUBAZiK
Zatrymańni ŭ Vaŭkavysku adbyvalisia ciaham cełaha tydnia, z 25 vieraśnia da 1 kastryčnika. Siłaviki apublikavali try videa z aryštavanymi žycharami.
U apošnim ź ich, jakoje apublikavali siońnia, pakazali šeść čałaviek. Viadomyja imiony dvaich zatrymanych — heta 37-hadovy Viktar Kručkoŭski i 44-hadovy Valeryj Hryhorčyk.
Dvaich z zatrymanych, siarod jakich Viktar, vinavaciać u tym, što ŭ 2020-m jany vychodzili na pratesty i «raspaŭsiudzili ekstremisckija materyjały». Astatnich mužčyn vinavaciać tolki ŭ «raspaŭsiudzie ekstremizmu».
Pravaabaroncy źviazvajuć aktyŭnaść siłavikoŭ u Vaŭkavysku ź incydentam, jaki adbyŭsia dniami ŭ horadzie. Pa infarmacyi «Viasny», na adnym z vyklikaŭ (bytavaja situacyja, nie źviazanaja z palityčnym pieraśledam) byŭ źbity supracoŭnik milicyi. Paśla hetaha ŭ horad adpravili siłavikoŭ ź Minska i Hrodna, jakija i pačali «začystku».
Imavierna, lik zatrymanych idzie na dziasiatki — pakazali tolki piatnaccać zatrymanych, ale jość padstavy mierkavać, što ich bolej. Zvyčajna HUBAZiK pakazvaje tolki častku ludziej. Minułuju partyju zatrymanych pakazvali 28 vieraśnia.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Čarhovaja chvala brutalnych zatrymańniaŭ u Vaŭkavysku i vakolicach
