Voś jaki dom na Naračy pradali za paŭmiljona dalaraŭ 7

Fota: realt.by

Hety dom na bierazie Naračy byŭ u prodažy sioleta jak minimum z kanca sakavika. U našaj padborcy nieruchomaści na voziery Narač jon tady byŭ samym darahim abjektam z vystaŭlenych na prodaž u tym rehijonie. Pradaviec apisvaŭ abjekt jak «najlepšy zaharadny dom Biełarusi, premium-kłasa».

Viasnoju za jaho prasili 750 tysiač dalaraŭ. Ale z časam cana mienšała. Apošni raz abjavu abnaŭlali 14 vieraśnia, tady za dom prasili $599 000.

Fota: skrynšot z sajta realt.by

Ale, jak vynikaje z bazy Nacyjanalnaha kadastravaha ahienctva, pradaviec i pakupnik syšlisia na sumie paŭmiljona dalaraŭ.

Za što takija hrošy?

Dom ahulnaj płoščaj 218 m² mieścicca ŭ niepasrednaj blizkaści da voziera ŭ vioscy Nanosy. Na ŭčastku pamieram 17 sotak zrobleny łandšaftny dyzajn, praviedziena sistema aŭtapalivu. 

Učastak krajni, tamu susiedzi jość tolki z dvuch bakoŭ. Ź inšych bakoŭ — voziera i les.

Foto: realt.by

Da doma prylahaje vialikaja terasa z šykoŭnym vidam na samy vialiki vadajom krainy. Sam dom dvuchpaviarchovy, vykanany sa zrubu. Jon całkam hatovy da kruhłahadovaha pražyvańnia, pradavaŭsia razam z meblaj i technikaj.

Interjer adnaho z pamiaškańniaŭ. Fota: realt.by

Budynak la voziera abstaŭleny meblaj ručnoj pracy. Taksama tam jość džakuzi i zona dla barbiekiu.

Čytacie taksama: 

Pad Minskam pradajuć katedž: mebla Versace i italjanskija žyrandoli. Što pa canie?

Ź vidam na «Minsk-Arenu». Jak vyhladaje samaja tannaja kvatera ŭ «Łazurycie» — samym vysokim žyłym budynku Minska 

10

12

3

4

1

3

Nashaniva.com