Stvaralnikami jutub-šou «KANAPLEV+LEIDIK: Biez retušy» na kanale MalankaMedia źjaŭlajucca fatohrafy Jaŭhien Kanaploŭ i Julija Lejdzik. Jany pracavali z takimi viadomymi asobami, jak Maks Korž, Michałok, Šnur, Łunhren, a taksama Babaryka, Cichanoŭskaja i Prakopjeŭ.
Svajo šou aŭtary adnosiać da katehoryi «realici», bo pastavili zadaču pakazać, jak na samoj spravie adbyvajecca praces zdymkaŭ. Fatohrafy pravodziać sa svaimi hierojami niekalki dzion, a zatym analizujuć razmovy i ŭrešcie šukajuć ideju i rekvizit dla kadra. Zvyčajna takaja rabota zastajecca pa-za kadram.
Jaŭhien Kanaploŭ i Julija Lejdzik. Skryn videa MalankaMedia / YouTube
«My dva fatohrafy za adnym fotaaparatam. U hetym prajekcie my fatahrafujem ludziej. Sustrakajemsia z kłasnymi biełarusami (pryčym nie adzin raz), vielmi doŭha kamunikujem, prydumvajem, a potym stvarajem kadr. Pa sutnaści, my ŭ hetym prajekcie raskryvajem usiu svaju kuchniu i kłasnych biełarusaŭ»,
— havorać sami aŭtary pra svoj prajekt.
Hierojami pieršaha vypusku stali siamiejnaja para šoŭmienaŭ — Dzianis Dudzinski i Kaciaryna Rajeckaja. Ahulny čas kamunikacyi ź imi skłaŭ 15 hadzin. Ad sustrečy z hierojami da finalnaha kadru prajšło čatyry dni.
Bolš za pałovu času ŭ šou addadziena mienavita razmovie z hierojami, abmierkavańniu žyćcia ŭ emihracyi, sprečkam ab muzycy. Dudzinski i Rajeckaja raspaviali svaju historyju znajomstva i parazvažali, što buduć rabić, kali zakončacca adnosiny, padzialilisia niekatorymi padrabiaznaściami padarožža na Madahaskar, prablemami ź psichičnym zdaroŭjem.
Dzianis Dudzinski i Kaciaryna Rajeckaja. Vynikovy kadr. Skryn videa MalankaMedia / YouTube
Čytajcie jašče:
«A, pacuk! Pacuk!» Jak pracuje novaje treš-šou Marharyty Laŭčuk
Kaciaryna Rajeckaja raskazała, jak prymusiła Dzianisa Dudzinskaha zajmacca domam i haspadarkaj