Dzianis Duk
«Hety padručnik rekamiendavana vykarystoŭvać u adukacyjnym pracesie ŭ škołach jak dadatkovuju litaraturu, jak litaraturu dla fakultatyŭnych zaniatkaŭ, dla pahłyblenaha vyvučeńnia», — skazaŭ Dzianis Duk.
Na pytańnie viadučaj, ci maje taki padručnik zamianić biełaruskija, rektar Mahiloŭskaha ŭniviersiteta adkazaŭ admoŭna, ale rastłumačyŭ, jak jano, na jahonuju dumku, maje być:
«My žyviom u sajuznaj prastory, u nas adzinaja Sajuznaja dziaržava. Tamu, viadoma, u historyi było vielmi šmat vuzłavych punktaŭ, jakija pa-roznamu i ŭ našaj najnoŭšaj historyi, i ŭ rasijskaj traktavalisia. Ale siońnia my pryjšli da razumieńnia taho, što my pavinny vypracavać adzinyja padychody. Heta nie značyć, što ŭsie historyki dumajuć adnolkava, ale my hruntujemsia na adzinych padychodach».
U pačatku lutaha ambasadar Rasii ŭ Biełarusi Barys Hryzłoŭ zajaviŭ, što ŭ kancy studzienia ŭ Miensku byli padpisanyja dakumienty ab stvareńni rasijska-biełaruskaj kamisii pa historyi. Tady ž jon skazaŭ, što baki damovilisia ab «adzinych padručnikach pa historyi jak dla škoł, tak i dla VNU».
Čytajcie taksama:
Łukašenka raskrytykavaŭ VNU za vykładańnie niepatrebna składanaj matematyki
Łukašenka pra padručnik Koli pa fiłasofii: Jaki kašmar, što jany napisali — heta žach
