Uładzimira Kałtoviča zapomnili, kali jon šeść hadoŭ uznačalvaŭ MARH. Jon byŭ paznavalnym ministram, mieŭ nie tolki administratyŭna-biazdušny, ale čałaviečy vobraz. Heta byŭ prykład vysokaha čynoŭnika, jaki moh iści na rabotu pieššu, nie chavać tvar u kramie, rabiŭ sełfi ŭ vyšyvancy. Ale skončyŭ jon na pasadzie ministra baraćboj z cenami administratyŭnymi mietadami.
U śniežni 2021 hoda Kałtovič byŭ pryznačany namieśnikam kiraŭnika aparatu Saŭmina. De-jure heta administratyŭnaja pasada, Aparat Saŭmina zabiaśpiečvaje rabotu premjera i jaho namieśnikaŭ: afarmlaje daručeńni, kuryruje ministerstvy ŭ płanie vykanańnia zadač i hetak dalej. De-fakta Kałtovič staŭ ministram biez partfiela, bo pavinien byŭ zajmacca pytańniami intehracyi z Rasijaj u ramkach hetak zvanaj «sajuznaj dziaržavy».
Hod tamu Kałtovič zaŭvažna źmianiŭsia. U vyhladzie raniej zaŭsiody hładka paholenaha ministra adbylisia brutalnyja źmieny. Vobraz kamsamolca źmianiŭsia na sivuju baradu.
Ciapier jon vyzvaleny ad pasady namieśnika kiraŭnika Aparatu Savieta ministraŭ Respubliki Biełaruś «u suviazi z vychadam u adstaŭku». Pryčyny adstaŭki nieviadomyja. Uładzimiru Kałtoviču 57 hadoŭ.
Čytajcie taksama:
Homielski vajenkam Kryvanosaŭ taksama moža stać «sienataram»
