Sprava na padstavie č. 3 art. 159 Kryminalnaha kodeksa (pakidańnie ŭ niebiaśpiecy) raspačata prakuraturaj Słaŭharadskaha rajona ŭ dačynieńni da 29‑hadovaj žycharki rajcentra.
22 studzienia ŭ kantejniery dla śmiećcia na haradskoj zvałcy Słaŭharada byŭ znojdzieny trup novanarodžanaj dziaŭčynki ŭ polietylenavym pakiecie. Dla rasśledavańnia złačynstva była stvorana śledča‑apieratyŭnaja hrupa z supracoŭnikaŭ UUS, RAUS i prakuratury.
Ustanavić maci novanarodžanaj udałosia na praciahu sutak. Joju akazałasia miascovaja žycharka, maci dvuch dziaciej, jakaja zaraz znachodzicca ŭ adpačynku pa dohladzie za dziciem.
Ustanoŭlena, što dziaŭčynku jana naradziła viečaram 19 studzienia, adrazu zachinuła ŭ polietylenavy pakiet i praz dvoje sutak vykinuła ŭ śmiećciavoz. Žančyna śćviardžała, što dzicia naradziłasia miortvym, adnak ekśpierty ŭstanavili advarotnaje.
0
0
0
0
0
0
