Ministr unutranych spravaŭ Anatol Kulašoŭ na pres‑kanfierencyi 28 studzienia skazaŭ, što jamu nie davodziłasia sustrakacca z vypadkami, kab milicyja zaminała žurnalistam vykonvać ich pracu padčas masavych akcyj.
«Mnie nie davodziłasia bačyć, kab milicyja zaminała zakonnaj pracy žurnalistaŭ», — skazaŭ A.Kulašoŭ.
Na heta karespandent Radyjo «Svaboda» Aleh Hruździłovič skazaŭ, što na nastupnuju pres‑kanfierencyju pryjdzie ŭ parvanaj milicyjaj kašuli.
«Zrazumiejcie, što milicyja pavinna zabiaśpiečvać nie tolki mahčymaść vašaj pracy, ale i biaśpieku. Treba vyznačyć miesca, ź jakoha b žurnalistam možna było aśviatlać padziei», — skazaŭ A.Kulašoŭ.
«Prosta viadzicie siabie prystojna», — skazała na heta Hrudziłoviču pres‑sakratar MUS Śviatłana Baroŭskaja.
Fatohraf Anton Matolka paskardziŭsia, što nieviadomyja ŭ cyvilnym zaminajuć zdymać vuličnyja akcyi.
Anatol Kulašoŭ skazaŭ, što heta «nieŭstanoŭlenyja asoby, jakija chočuć spravakavać milicyju i žurnalistaŭ». Ministr zapeŭniŭ, što heta dakładna nie supracoŭniki MUS.