Pra heta zajaviŭ siońnia kiraŭnik dziaržavy, prymajučy davierčyja listy pasłoŭ zamiežnych dziaržaŭ.
Alaksandr Łukašenka padkreśliŭ, što takaja šmatviektarnaja, prahmatyčnaja pazicyja Biełarusi dała mahčymaść zamacavać pazityŭnuju dynamiku ŭzajemadziejańnia ź Jeŭrapiejskim sajuzam. Čas paćvierdziŭ pravilnaść vybranaha ŭ Biełarusi zamiežnapalityčnaha kursu, u asnovie jakoha niezaležnaść i šmatviektarnaść, prahmatyzm i paśladoŭnaść. «My budziem i dalej prytrymlivacca hetych pryncypaŭ, jakija dajuć nam mahčymaść u poŭnaj miery realizoŭvać mahčymaści supracoŭnictva sa źniešnim śvietam», — padkreśliŭ kiraŭnik dziaržavy.
Łukašenka taksama akcentavaŭ uvahu na tym, što Biełaruś zaŭsiody była i budzie hatova da adkrytaha ŭzajemavyhadnaha partniorstva. «Umova ŭ nas adna — pavažlivaje staŭleńnie da našaha naroda, hatoŭnaść pracavać z nami biez «kamienia za pazuchaj»,
biez nacisku, ščyra, sumlenna, adkryta»,
— skazaŭ biełaruski lider.
Źviartajučysia da dypłamataŭ, kiraŭnik dziaržavy vykazaŭ nadzieju, što z časam jany aceniać Biełaruś jak nadziejnaha i pierśpiektyŭnaha partniora i zmohuć davieści da narodaŭ svaich krain i ŭradaŭ abjektyŭnaje razumieńnie Biełarusi, jakaja adkryta dla źniešniaha śvietu, šyrokich kantaktaŭ, plonnaha supracoŭnictva z usimi dziaržavami.
«Vy paznajomiciesia ź Biełaruśsiu jak niezaležnaj dziaržavaj, jakaja zajmaje dastojnaje miesca ŭ suśvietnaj supolnaści. U asnovie našaj źniešniaj palityki miralubnaść, pavaha da narodaŭ, dobrasusiedstva, nieŭmiašańnie va ŭnutranyja spravy inšych dziaržaŭ i imknieńnie da raźvićcia samych aktyŭnych ekanamičnych i kulturnych suviaziej», — adznačyŭ Alaksandr Łukašenka
