Kinaafišy na vulicach Bierlina.
Hałoŭny ŭdzielnik hetaha Bierlinskaha kinafestu, peŭna, nie stupić na hanarovy čyrvony chodnik. Raman Pałanski pad chatnim aryštam. Nahadajem, jašče z 1977 h. jaho abvinavačvajuć u zhvałtavańni.
 Raman Pałanski |
U novym palityčnym trylery Pałanskaha «Pryvidny aŭtar», što źniaty pavodle knihi Robierta Harysa, hałoŭnuju rolu syhraŭ Evan Makhrehar. Jon — piśmieńnik, jakoha naniaŭ redahavać miemuary eks-premjer Brytanii (u vykanańni Pirsa Brosnana). U pracesie redaktury ŭspłyvajuć zmročnyja tajamnicy žyćcia palityka. I ŭ litaratara pačynajucca prablemy...
Heta pieršaja paŭnamietražnaja stužka Pałanskaha za 5 hadoŭ paśla «Aliviera Tvista».
 |
Ale nie tolki stužka Pałanskaha budzie centram uvahi ŭ Bierlinie: Marcin Skarseze («Bandy Ńju-Jorka», «Avijatar») pradstavić svoj novy kryminalny trymcieńnik «Praklaty Vostraŭ» ź Leanarda Dy Kapryo ŭ hałoŭnaj roli. Premjera adbudziecca pa-niamiecku za niekalki dzion da suśvietnaha prakatu (u Biełarusi tryler pačnuć pakazvać ad 18 lutaha).
 |
I jašče film, varty ŭvahi: amierykaniec Noa Baŭmbach (aŭtar scenaru oskaranosnaha kamedyjnaha «Kalmara i Kita») pradstavić svaju trahikamiedyju «Hrynbierh» z Benam Styleram («Noč u muziei»). Jana pra kryzis siaredniaha vieku.
Rychtujučy fiestyval, nie zabylisia niemcy i pra spravu papularyzacyi svajoj kinakłasiki: padčas kinafesta adbudziecca retra-pakaz stužki lehiendarnaha Fryca Łanha «Mietropalis», maci ŭsich fantastyčnych antyŭtopijaŭ. Hledačam prapanujuć adnoŭleny film, z scenami, jakija ščaśliva znajšlisia ŭ 2008 hodzie. A jašče ŭ Bierlinie, usio roŭna jak u Łos-Andžełasie, z nahody festyvalu budzie ŭračysta adkrytaja Aleja Zorak, na jakoj buduć uviekaviečanyja imiony viadomych dziejačaŭ kino.
Kinafest u Bierlinie praciahniecca 10 dzion, a jaho pieramožcy buduć abvieščanyja 20 lutaha. Hanarovymi haściami kinafestu zrobiacca Žerar Depardjo, Ben Styler i Žanna Maro. Pieramoha Bierlinskaha kinafestu — zajaŭka na «Oskara»: naprykład letašniaja pieramožca, pieruanskaja drama «Małako smutku» pazmahajecca praź miesiac za «Oskara» u naminacyi «Najlepšy zamiežny film».
