Rasieja viadzie pieramovy z polskim bokam pra nabyćcio pradpryjemstva «Mažejkiu nafta».Heta paćvierdziŭ rasiejski prem'
jer-ministar Uładzimier Pucin padčas sustrečy z prezydentam Litvy Dalaj Hrybaŭskajcie.
Ad pośpiechu pieramovaŭ pamiž Rasiejaj i kancernam PKN Orlen buduć zaležać pastaŭki nafty ŭ Mažejkiaj. Pra heta prezydent Litvy zajaviła ŭ interviju Reuters. Jana skazała, što, nabyŭšy zavod, rasiejcy biez asablivych prablemaŭ zapuściać naftapravod «Družba», jaki z zahadkavych pryčynaŭ «pryjšoŭ u nieprydatny stan» u 2006 hodzie.
Premjer Litvy Andrus Kubilus nia ličyć zajavu Pucina dokazam taho, što palaki nasamreč viaduć pieramovy z Kramlom. Słovy Pucina, choć i nie kateharyčna, admaŭlajuć i pradstaŭniki PKN Orlen.
Eŭraparlamentar Vitaŭtas Łandsberhis zaklikaŭ urad jak maha chutčej źviarnucca ŭ Brusel u źviazku z mahčymym prodažam rasiejcam «Mažejkiu nafta», paviedamlaje ahienctva DELFI. Pavodle Łandsberhisa, takaja ździełka była b niebiaśpiečnaj nia tolki dla Litvy, ale i dla ŭsiaho EZ.