Zajava Asamblei niaŭradavych demakratyčnych arhanizacyjaŭ «Z nahody pieraśledu polskaj nacyjanalnaj mienšaści ŭ Biełarusi»

Kiraŭnictva Asamblei niaŭradavych demakratyčnych arhanizacyjaŭ vykazvaje salidarnaść z pradstaŭnikami polskaj nacyjanalnaj mienšaści ŭ ich zmahańni za realizacyju svabody asacyjacyi.

My ličym nieprymalnymi lubyja sproby dziaržaŭnaj ułady pa stvareńni kiravanaj pseŭdahramadzianskaj supolnaści, u tym liku praz adziaržaŭleńnie strukturaŭ Sajuza palakaŭ u Biełarusi. Asabliva aburalnymi źjaŭlajucca vypadki, padobnyja na zachop dziaržaŭnymi słužboŭcami budynku Sajuza palakaŭ u Iviancy, jakija pradstaŭlajuć saboj hvałtoŭnaje ŭmiašalnictva dziaržavy ŭ spravy hramadzkaha abjadnańnia. My ličym takija dziejańni niedapuščalnymi i razhladajem ich jak parušeńnie Respublikaj Biełaruś abaviazalnictvaŭ, jakija dziaržava ŭziała na siabie ŭ miežach artykuła 22 Mižnarodnaha paktu ab hramadzianskich i palityčnych pravach i artykuła 5 Kanvencyi ab pravach asobaŭ, jakija naležać da nacyjanalnych mienšaściaŭ.

Asablivuju zaniepakojenaść vyklikaje toje, što hvałtoŭnyja dziejańni suprać polskaj mienšaści adbyvajucca na fonie intensifikacyi dačynieńniaŭ pamiž Respublikaj Biełaruś i Eŭrapiejskim Źviazam, a taksama napiaredadni vybarčych kampanijaŭ 2010—2011 hh. Sytuacyja nahadvaje padziei z nastupam na Sajuz Palakaŭ na Biełarusi ŭ 2005—2006 hh. pierad minułymi prezydenckimi vybarami. Pry takich abstavinach my razhladajem padziei ŭ Iviancy jak pravakacyju, skiravanuju na zryŭ biełaruska-eŭrapiejskaha dyjalohu i viartańnie krainy da režymu pastajannaha ŭzmacnieńnia palityčnych represijaŭ. Hetyja dziejańni nia tolki nanosiać niepapraŭnuju škodu ajčynnaj hramadzianskaj supolnaści, ale i niasuć pahrozu nacyjanalnym intaresam našaj krainy.

My zaklikajem biełaruskija ŭłady nieadkładna spynić nastup na arhanizacyi polskaj mienšaści i stvaryć umovy dla ŭrehulavańnia kanfliktu, zabiaśpiečyŭšy prava hramadzianaŭ Biełarusi na svabodu asacyjacyjaŭ.