Hałoŭny trenier zbornaj Biełarusi pa chakiei Michaił Zacharaŭ prakamientavaŭ startavy matč na Alimpijadzie ŭ Vankuviery suprać Finlandyi (1:5).
«Supiernik u nas byŭ vielmi mocny. Dumaju, što finskaja zbornaja budzie zmahacca za miedali. Nam było ciažka, my staralisia, jak mahli, ale, na žal, u nas nie ŭsie atrymlivałasia. My zmahalisia, da treciaha hoła dakładna».
«Jakaja zadača staić pierad zbornaj Biełarusi? My sami sabie jaje pastavili ŭnutry kamandy. Budziem staracca patrapić u vaśmiorku. Ale pry hetym u nas niama ni premijalnych, ni inšych stymułaŭ»
«Što tyčycca zbornaj Rasii, to tam sabranyja najmacniejšyja na siońniašni dzień chakieisty. Vielmi chaču, kab mienavita rasijanie vyjhrali hetuju Alimpijadu. Daŭno viedaju Viačasłava Bykava i ad čystaha serca žadaju jamu tolki pieramohi.
Mnie vielmi chočacca, kab pieršym u śviecie byŭ rasijski chakiej, a nie kanadski», — pryvodzić słovy treniera.
0
0
0
0
0
0
