Arciom Dubski znachodzicca ŭ štrafnym izalatary. Maci palitviaźnia Alena Dubskaja daviedałasia pra heta siońnia, kali pryjechała ŭ mahiloŭskuju papraŭčuju kałoniju ahulnaha režymu na spatkańnie z synam.
Supracoŭniki kałonii admovilisia pryniać ad jaje pieradaču, patłumačyŭšy, što Arciom Dubski ad 10 lutaha na 15 sutak pieraviedzieny ŭ štrafny izalatar.
Alena Dubskaja daviedałasia, što Arcioma abvinavacili ŭ tym, što adnojčy jon niavietliva pavitaŭsia z kimści z supracoŭnikaŭ kałonii, a taksama pačaŭ zbor podpisaŭ sukamiernikaŭ pad patrabavańniem palepšyć umovy ŭtrymańnia ŭ kałonii.
Ciaham 15 sutak Arciom Dubski ŭ adzinočnaj kamiery budzie pazbaŭleny špacyru, mahčymaści atrymlivać listy, poštu, mieć spatkańni.
Arcioma Dubskaha pakarali źniavoleńniem za parušeńnie praviłaŭ adbyćcia pakarańnia ŭ «spravie 14‑ci». Padstavaj stała toje, što chłopiec samavolna źjechaŭ va Ukrainu. Jaho zatrymali letaś 13 lutaha, kali jon jechaŭ, kab udzielničać u śviatočnaj akcyi ŭ dzień śviatoha Valancina.
Advakat Arcioma Dubskaha Tamara Sidarenka budzie abskardžvać pakarańnie svajho padabaronnaha. Pavodle pravaabaroncaŭ, 15 sutak u štrafnym izalatary heta davoli surovaja miera dla i biez taho źniavolenaha čałavieka.
