Pra heta paviedamiła hałoŭny sinoptyk Respublikanskaha hidramieteacentra Volha Fiadotava.
Pavodle jaje słoŭ, paśla niadoŭhaha paciapleńnia, jakoje my nazirali ŭ minułyja vychadnyja, u Biełaruś znoŭ viernucca marazy. Tak, u aŭtorak, 23 lutaha, pad upłyvam vobłaści pavyšanaha atmaśfiernaha cisku projduć doždž i mokry śnieh. Tempieratura pavietra ŭnačy budzie vahacca ad 2 da 9 hradusaŭ nižej za nul.
Pry prajaśnieńniach słupok termomietra pakaža minus 12‑14 hradusaŭ.
Dniom pad upłyvam małaaktyŭnaha atmaśfiernaha frontu, jaki pieramiaščajecca z Zachodniaj Jeŭropy, miescami projduć nievialikija apadki ŭ vyhladzie daždžu i mokraha śniehu.
Tempieratura pavietra ŭ paŭdniova‑zachodnich rajonach składzie 4 hradusy ciapła.
Krychu chaładniej budzie na paŭnočnym uschodzie krainy — tam słupok termomietra pakaža 2 hradusy marozu.
Vilhotnyja pavietranyja masy atłantyčnaha pachodžańnia, pad upłyvam jakich Biełaruś budzie znachodzicca da kanca tydnia, pryniasuć doždž i mokry śnieh. Na darohach čakajecca hałalodzica, u asobnych rajonach — tuman. U sieradu, 24 lutaha, słupok termomietra pakaža ad 3 hradusaŭ marozu da 3 hradusaŭ ciapła. U čaćvier, 25 lutaha, čakajecca ad minus 5 da plus 2 hradusaŭ. Unačy pry prajaśnieńniach słupok termomietra pakaža 8‑10 hradusaŭ nižej za nul.
Tempieratura pavietra ŭnačy ŭ piatnicu, 26 lutaha, budzie vahacca ad 0 da 7 hradusaŭ marozu. Pry prajaśnieńniach čakajecca da minus 10. Dniom — ad 2 hradusaŭ marozu da 4 ciapła.
U kancy tydnia atłantyčny cykłon pryniasie na terytoryju Biełarusi čarhovuju porcyju apadkaŭ u vyhladzie daždžu i mokraha śniehu.
Na darohach pa‑raniejšamu budzie ślizka. Tempieratura pavietra 27‑28 lutaha budzie vahacca ad 2 hradusaŭ marozu da 3 ciapła. Dniom na poŭdni krainy čakajecca 4‑5 hradusaŭ ciapła.
