U apošniuju niadzielu lutaha biełaruskija studenty Lublina (Polšča) sabralisia ŭ Domie Fondu Jana Paŭła II, kab parazmaŭlać na temu rodnaj movy. Spatkańnie adbyłosia paśla śviatoj Imšy i było prymierkavana da Dnia rodnaj movy, jaki adznačaŭsia 21 lutaha. Na pačatku spatkańnia prahučaŭ duchoŭny himn «Mahutny Boža», paśla čaho prysutnyja davoli spantanična vykazali žadańnie napisać tradycyjnuju dyktoŭku i pravieryć svajo viedańnie biełaruskaj movy. Moładź, jakaja zusim niadaŭna vyjšła
Paśla dyktoŭki raspačałasia žyvaja hutarka pra rodnuju movu, padmacavanaja prykładami z žyćcia, žartami i śmiešnymi historyjami. Prahučali ščyryja pryznańni pra śviadomy vybar biełaruskaj movy ŭ jakaści asnoŭnaha srodka kamunikacyi, a taksama apoviady pra prykryja situacyi, źviazanyja z vykarystańniem biełaruskaj movy ŭ publičnych miescach. Urešcie, usie pahadzilisia ź mierkavańniem, što treba lubić i šanavać rodnuju movu, abaraniać jaje i raspaŭsiudžvać, ale ni ŭ jakim razie nie za košt inšych moŭ, bo ŭsie movy źjaŭlajucca Božym daram i śviedčać pra biaźmiežnuju Boskuju vynachodlivaść. Była padkreślena asabistaja misija kožnaha čałavieka pryvić addanaść da rodnaj movy svaim dzieciam i kłapacicca pra ich vychavańnie na hlebie chryścijanskich kaštoŭnaściaŭ, siarod jakich adno z važnych miescaŭ zajmaje luboŭ da Ajčyny, pra što nieadnarazova ŭspaminaŭ Jan Pavieł II u svaim hramadskim navučańni. Patryjatyzm z'ŭlajecca vykanańniem 4 zapaviedzi, pavodle jakoj naležyć ušanoŭvać svaich baćkoŭ. Rodnaja ziamla, jak i baćki, z'ŭlajecca našaj karmicielkaj, jakaja dapamahaje ŭzrastać ciełu i duchu čałavieka. Vynikam spatkańnia było śćvierdžańnie, što asabistaje śviedčańnie trapiatkoha staŭleńnia da rodnaj movy, historyi i kultury pavinna dapamahać spravie adzinstva i ŭzajemarazumieńnia ŭ vialikaj ludskoj siamji.
