Adbyłasia telefonnaja razmova prezidentaŭ Biełarusi i Ukrainy Alaksandra Łukašenki i Viktara Janukoviča, paviedamili ŭ pres‑słužbie biełaruskaha lidera.
Na inaŭhuracyi Viktara Janukoviča. Fota Korrespondent.net.
Kiraŭnik ukrainskaj dziaržavy padziakavaŭ Alaksandru Łukašenku za padtrymku, a taksama vykazaŭ asablivuju ŭdziačnaść za ŭdzieł va ŭračystych mierapryjemstvach z nahody inaŭhuracyi, što prachodzili ŭ Kijevie 25 lutaha.
Prezidenty abmierkavali pytańni padrychtoŭki da śviatkavańnia 65‑hodździa Pieramohi ŭ Vialikaj Ajčynnaj vajnie. Biełaruski lider padtrymaŭ inicyjatyvu svajho kalehi pravieści parady Pieramohi ŭ haradach‑hierojach.
Viktar Janukovič prainfarmavaŭ kiraŭnika biełaruskaj dziaržavy ab vynikach vizitu ŭ Brusiel, ab praviedzienych tam sustrečach z kiraŭnictvam Jeŭrapiejskaha sajuza, a taksama majučym adbycca vizicie ŭ Rasijskuju Fiederacyju.
Kiraŭniki dziaržaŭ damovilisia ab praviadzieńni ŭ bližejšy čas sustrečy dla abmierkavańnia ŭsiaho kompleksu pytańniaŭ dvuchbakovaha supracoŭnictva. Alaksandr Łukašenka i Viktar Janukovič taksama damovilisia ab tym, što administracyi prezidentaŭ sumiesna z zacikaŭlenymi vypracujuć kankretny paradak dnia majučaj adbycca sustrečy.
