Styrno na dnie Bałtyki. Fota - AR
Pryvitańnie ź minułaha: dziasiatki karabloŭ, častka ź jakich pabudavanyja sotni hadoŭ tamu, vyjaŭleny na dnie Bałtyjskaha mora. Pra heta paviedamili šviedskija navukoŭcy. Karabli znajšła budaŭničaja kampanija, jakaja źbiraje hazavuju trubu pamiž Rasijaj i Niamieččynaj. Pavodle navukoŭcaŭ, častka karabloŭ znachodzicca ŭ vydatnym stanie adnosna svajho vialikaha vieku.
«Samyja staražytnyja karabli lažać tut ź Siarednieviečča dy majuć bolš za 800 hadoŭ. Bolšaść ža z ChVII-XIX stst, — skazaŭ kiraŭnik Upravy pa šviedskaj spadčynie Pieter Norman. — Karabli vielmi cikavyja, ale my pakul što bačyli ich adno zvonku. Bolšaść ź ich cełyja i zachavalisia ŭ dobrym stanie».
Tysiačy pareštkaŭ zatanułych karabloŭ znachodziacca ŭ Bałtyjskim mory. Pryčyna ich dobraj zachavanaści — na Bałtycy amal adsutničajuć čarviaki i mikraarhanizmy, jaki lubiać dreva. Ciapierašnija znachodka vyjaŭleny na ŭschodzie ad švedskaj vyspy Hotłand.
Nahadajem, «Nordstrym» — heta supolny rasijska-niamiecki prajekt. Hetym hazaprovadam haz pavinny prachodzić niepasredna z Rasii ŭ Niamieččynu pa Bałtyjskmi mory, u abvod Biełarusi i Ŭkrainy. Pavodle rasijskaha boku, linija musić być pabudavanaja ŭžo ŭ nastupnym hodzie.
