Uschodniaje ŭźbiarežža ZŠA, poŭnač Alaski i novyja abšary Mieksikanskaha zaliva – na hetych vielizarnych płoščach administracyja Baraka Abamy choča pačać zdabyču nafty, piša New York Times.
Hetaje pierałomnaje rašeńnie było pryniataje ŭ vyniku praciahłych pieramovaŭ z hornazdabyŭnymi karparacyjami, pradstaŭnikami miascovych uładaŭ i ekołahami. Raniej ZŠA nie vykarystoŭvała napoŭnicu svaich radoviščaŭ, pakidajučy svaju naftu na čorny dzień.
Płošča, adviedzienaja pad budučyja śvidraviny, składaje kala 670 kvadratnych kiłamietraŭ.Aproč Uschodniaha ŭźbiarežža (za vyklučeńniem rajonaŭ na poŭnač ad Ńju-Džersi) i Mieksikanskaha zaliva naftu i haz možna budzie zdabyvać na mory Baforta, la ŭźbiarežža Alaski. Aficyjnaje rašeńnie Barak Abama ahučyć u sieradu na avijabazie Endrus.
New York Times nazyvaje try pryčyny, ź jakich urad ZŠA zrabiŭ vybar na karyść takoha kroku. Havorka idzie ab bolšaj niezaležnaści ad impartu nafty i pavieličeńni prybytku ad jaje prodažu. Ale, mabyć, najbolš važnym faktaram źjaŭlajecca žadańnie atrymać padtrymku novych zakonaŭ pa pytańniach enierhietyki i źmianieńnia klimatu z boku sienataraŭ, jakija źviazanyja z naftavaj pramysłovaściu.
0
0
0
0
0
0
