U apošni dzień sakavika tempieratura pavietra na zachadzie Bresckaj i Hrodzienskaj abłaściej dasiahnuła 18—20 hradusaŭ vyšej za nul.
Ciaplej za ŭsio było ŭ Vysokim — plus 20,1 hradusa, paviedamili ŭ Respublikanskim hidramieteacentry. Dla hetaha nasielenaha punkta heta absalutny rekord dnia. Rekord dla 31 sakavika pa ŭsioj krainie składaje 22,2 hradusa ciapła (1968 hod, Brahin), dla ŭsiaho sakavika — 23,1 (19 sakavika 1990 hoda ŭ Lelčycach).
Siarod abłasnych centraŭ ciaplej za ŭsio było ŭ Breście (plus 19,4), chaładniej — u Viciebsku (10,9). U Minsku słupok termomietra padniaŭsia da adznaki plus 14,2 hradusa pry rekordzie dnia 18,6 (u 1968 hodzie) i miesiaca 18,9 (19 sakavika 1990 hoda).
U cełym za minułyja sutki, pavodle słoŭ pradstaŭnika hidramieteacentra, tempieratura pavietra pa krainie pieravysiła klimatyčnuju normu na 5—11 hradusaŭ.
1 krasavika chałodny front adciśnie mižziemnamorskuju pavietranuju masu, i tempieratura panizicca.
0
0
0
0
0
0
