Amal pałova hramadzian krain ES zajmajucca sportam i viaduć aktyŭny ład žyćcia, čverć nasielnictva nie schilnyja zajmacca fizičnymi praktykavańniami. Pra heta paviedamiła pradstaŭnictva Jeŭrasajuza ŭ Biełarusi.
Pavodle źviestak jeŭrapiejskaj sacyjałahičnaj słužby Jeŭrabaromietr, 40% hramadzian krain ES zajmajucca sportam minimum raz na tydzień.
Jeŭrakamisar pa adukacyi, kultury i moładzi Andruła Vasiliu ličyć takuju kolkaść fizična aktyŭnych jeŭrapiejcaŭ dastatkova pazityŭnaj. «Jašče staražytnyja hreki i rymlanie ličyli sport dobrym sposabam umacavańnia dušy i cieła», — skazała jana.
Kamientujučy vyniki apytańnia, prezident UEFA Mišel Płacini zaznačyŭ, što dla asacyjacyi jeŭrapiejskaha futboła zdaroŭje pačynajecca z zaniatkaŭ sportam na samym bazavym uzroŭni.
Pavodle źviestak Jeŭrabaromietra, irłandcy, šviedy, finy i datčanie źjaŭlajucca najbolš spartyŭnymi i fizična aktyŭnymi nacyjami ES. U Irłandyi hety pakazčyk samy vysoki — 23% nasielnictva praktykujuć zaniatki sportam piać razoŭ na tydzień.