Pavyšanaja nahruzka na pracy źnižaje zaležnaść kurcoŭ ad nikatynu, i pad uździejańniem stresu jany kurać mienš, čym zvyčajna, paviedamlaje publikacyja ŭ Tobacco Induced Diseases.
Zhodna z raspaŭsiudžanymi ŭjaŭleńniami, kurcy časta vykarystoŭvajuć cyharety jak srodak ad stresu, sposab «supakoić niervy». Raspačynajučy svajo daśledavańnie, Channa Šmit z Kiolnskaha univiersiteta i jaje kalehi zychodzili z hipotezy, što spažyvańnie tytuniu pry pavyšanaj pracoŭnaj nahruzcy budzie pavialičvacca.
Dla pravierki hetaj zdahadki navukoŭcy vykarystali infarmacyju z bazy dadzienych Kiolnskaha daśledčaha prajektu CoSmoS (Cologne Smoking Study). Jany abśledavali 197 pracujučych kurcoŭ z dapamohaj testu Fahierstrema — mižnarodna pryznanaha mietadu vyznačeńnia stupieni nikatynavaj zaležnaści.
Vyniki daśledavańnia pakazali, što ludzi, jakaja adčuvajuć stres na pracy, kurać mienš, čym astatnija i takim čynam mienš zaležać ad nikatynu.
Aŭtary miarkujuć, što hety efiekt moža tłumačycca tym, što ŭ zanadta zaniatych kurcoŭ nie zastajecca času, kab jak śled zadavolić svaju zvyčku, akramia taho, mahčyma, upłyvajuć abmiežavańni na kureńnie ŭ pracoŭny čas.
Navukoŭcy adznačyli taksama, što relihijnaść, najaŭnaść siamji i bolš vysoki ŭzrovień adukacyi taksama źnižajuć zaležnaść ad nikatynu.