Nacyjanalnaja avijakampanija »Biełavija» admianiaje šerah rejsaŭ u suviazi z zakryćciom pavietranaj prastory i aeraportaŭ Paŭnočnaj Jeŭropy z‑za vobłaka popiełu, što ŭtvaryłasia ŭ vyniku vyviaržeńnia vułkana ŭ Isłandyi.
«Pryniata rašeńnie, što 16 krasavika rejsy avijakampanii »Biełavija» ŭ Ryhu i Bierlin admianiajucca», — paviedamiŭ namieśnik dyrektara kampanii Ihar Čarhiniec. Hetyja rejsy pavinny byli vykonvacca adpaviedna ŭ 13.20 i 15.00 ź Minska.
Takim čynam, 16 krasavika «Biełavija» ŭžo admianiła rejsy Minsk — Łondan — Minsk V2‑851/V2‑852, Minsk — Bierlin — Minsk V2‑891/892 i Minsk — Ryha — Minsk V2‑841/842.
avodle infarmacyi »Biełavija», vylecieć u punkty pryznačeńnia možna budzie adrazu paśla adkryćcia pavietranaj prastory i aeraportaŭ Paŭnočnaj Jeŭropy.
Dazvalajecca viartańnie avijabiletaŭ na nazvanyja rejsy, pierabraniravańnie na inšyja daty bieź źbirańnia štrafaŭ.
Jak paviedamlajuć infarmahienctvy, z‑za vobłaka z drobnych vułkaničnych čaścic na hety momant nie pracujuć usie aeraporty Litvy — u Vilni, Kaŭnasie i Pałanzie. Nie vykonvajucca rejsy ŭ Jeŭropu i Kalininhrad z rasijskich aeraportaŭ. Pavietranyja znosiny ŭ mnohich krainach Jeŭropy praktyčna poŭnaściu parušanyja. Zabarona na paloty moža być praciahnuta jašče jak minimum na dva dni. Čakajecca, što ŭ najbližejšy čas budzie admieniena pałova transatłantyčnych rejsaŭ. Vobłaka popiełu ad vyviaržeńnia vułkana, raźmieščanaha kala lednika Ejafjałajekiul za 200 km na ŭschod ad Rejkjavika, užo nakryła Brytaniju, šerah krain kantynientalnaj Jeŭropy, Skandynaviju, Finlandyju i paŭnočna‑zachodnija krainy.
