fota lrytas.lt
U rajonie Kaŭnasa byŭ znojdzieny trup 40‑hadovaha mužčyny, i ŭsio pakazvaje na toje, što heta cieła Drasiusa Kiadzisa, padazravanaha ŭ zabojstvie dvuch čałaviek, chutčej za ŭsio, vinavatych u złačynstvach na hlebie piedafilii.
Hałoŭny prakuror Kaŭnaskaj akruhovaj prakuratury paviedamiŭ, što idzie apaznańnie pareštkaŭ, jakija byli znojdzienyja ŭ subotu.
ŚMI paviedamlajuć,
što cieła Kiadzisa, jakoha šukała palicyja, užo apaznali jaho svajaki.
Pryčyny jaho śmierci pakul nieviadomyja. Śladoŭ hvałotoŭnaj śmierci niama, ale kali cieła znajšli pistalet.
U kastryčniku minułaha hodu ŭ Kaŭnasie byli zabityja sudździ Jonas Furmanavičus i Vijaleta Narušavičenie. U ich zabojstvie padazravali Kiedzisa. U 2008 hodzie jon padaŭ skarhu ŭ palicyju, zajaviŭšy, što da jaho čatyrochhadovaj dački čaplaŭsia piedafił; jon pakazaŭ jak na padazravanych na sudździu Furmanavičusa i biznesoŭca Andrusa Usasa, jaki byŭ abvinavačany pa hetaj spravie. Narušavičenie nibyta zabiaśpiečvała sudździu kantakt ź dziciem.
Kiadzis dasłaŭ kala 200 listoŭ z zapisam apoviedu dziaŭčynki pra toje, što ź joj rabili, źviartaŭsia da pasłoŭ, jeŭradeputataŭ i ŚMI. Ale ni jaho skarhi ŭ palicyju, ni listy ŭ svoj čas nie pierakanali sudździaŭ, palitykaŭ i žurnalistaŭ u nieabchodnaści vyrašeńnia hetaha pytańnia.