U aŭtorak Jeŭrapiejskaja kamisija pradstaviła prajekt biudžetu ES na 2011 hod. Miarkujecca, što vydatki pieravysiać 142 młrd.
Heta pieršy hadavy biudžet, sfarmavany ŭ adpaviednaści ź Lisabonskaj damovaj, a značyć, pavodle bolš chutkaj, praściejšaj pracedury. I bolš demakratyčnaj. Rada ES i parłamient pieršy raz nadzielenyja roŭnymi pravami padčas pryniaćcia biudžetu.
Sajuzny biudžet na nastupny hod budzie vielmi ščodrym u dačynieńni da Polščy. Z 42,5 młrd, pryznačanych dla strukturnych fondaŭ, bolš čym 10 młrd pojdzie Polščy.
U 2011 hodzie nazapašvańnie vydatkaŭ ź biudžetu ES tolki raspačniecca, tamu što tolki ŭ najbližejšyja try hady buduć zavieršanyja najbujniejšyja i najbolš darahija prajekty, što finansujucca ź biudžetu ES, naprykład, klučavyja prajekty aŭtamahistralaŭ i chutkasnych daroh, čyhunak, bujnych zavodaŭ pa ačystcy ściokavych vodaŭ i h.d.
Akramia taho, tysiačy polskich studentaŭ buduć karystacca mahčymaściami prahramy navukovaha abmienu ES Erasmus. U 2011 hodzie ź jaje budzie vydatkoŭvacca da 200 tysiač subsidyj.
