U Breście kiroŭca maršrutnaha taksi marki «HAZ» adčuŭ siabie drenna i, źjechaŭšy z darohi, urezaŭsia ŭ ścianu šmatpaviarchovaha žyłoha doma.
U DTZ atrymali traŭmy troje pasažyraŭ, paviedamiła BiełaPAN inśpiektar adździaleńnia pa ahitacyi i prapahandzie abłasnoj DAI Natalla Kaśjanik.
Avaryja adbyłasia 30 krasavika kala 12.00 na praśpiekcie Mašerava. Kiroŭca maršrutnaha taksi №10, jaki jechaŭ ad vulicy Maskoŭskaj u bok vulicy Lenina, niedaloka ad prypynku hramadskaha transpartu «MOPRa»
źjechaŭ z darohi, dvojčy pierasiek tratuar i bakavyja źjezdy z darohi, paśla čaho mašyna ŭdaryłasia ŭ ścianu šmatpaviarchovaha žyłoha doma.
Pa darozie maršrutnaje taksi sutyknułasia z dvuma pryparkavanymi lehkavymi aŭtamabilami, u jakich nie było ludziej.
U samoj maršrutcy znachodzilisia 12 pasažyraŭ. Troje ź ich atrymali niaznačnyja traŭmy, udary, i paśla akazańnia miedycynskaj dapamohi adpuščanyja damoŭ, paviedamiła Kaśjanik.
42‑hadovy kiroŭca maršrutki špitalizavany z dyjahnazam «Sutarhavy sindrom».
U momant avaryi ludziej na piešachodnych tratuarach nie było. Pa hetym fakcie pravodzicca pravierka.
Z pačatku hoda heta druhoje DTZ u Breście z udziełam maršrutnych taksi z paciarpiełymi.