Jaki sposab vybaru lidera apazicyi aptymalny? Na apytańnie NN adkazvajuć intelektuały i maralnyja aŭtarytety.
Lidery apazicyi ŭpiorlisia ŭ pytańnie: jakim čynam vyznačyć kandydata ad apazicyi na prezidenckija vybary? Što pra toje dumajuć intelektuały i maralnyja aŭtarytety?
Redaktar časopisa «Arche» Valer Bułhakaŭ: «Na moj pohlad, scenar vyłučeńnia adzinaha kandydata ad apazicyi maje sens, kali palityčnyja subjekty źjaŭlajucca realnymi subjektami hulni na palityčnym poli. U mianie isnujuć sumnievy na hety kont.
Rada intelihiencyi, ADS... Ci jany ŭpłyvajuć na palityčnyja pracesy? Heta vialikaje pytańnie. U apošnija hady my stali śviedkami taho, što palityčnyja partyi i ruchi pieratvarylisia ŭ hramadskija inicyjatyvy, abjadnańni, jakija nie mohuć upłyvać na palityčny praces.
U vyniku scenar abirańnia adzinaha kandydata ad takich hrupovak niepierakanaŭčy. Heta nie zabiaśpiečyć patrebnaha vyniku.
Dla mianie bolš istotnymi źjaŭlajucca kandydaty, jakija aryjentujucca na prajeŭrapiejskija vartaści i ideały, na niezaležnaść Biełarusi. Hetamu najbolš adpaviadaje BNB, A.Milinkievič.
Nieabchodnaści vyłučać adzinaha kandydata ad usich siłaŭ ja nie baču. Vyłučać, ci nie – heta ŭ lubym vypadku budzie mieć zbolšaha tolki simvaličny sens».
Inšyja mierkavańni — na sajcie NN u bližejšy čas.
