Biust aŭtaru pieršaha biełaruskaha mastackaha kinafilma, pałačaninu Juryju Taryču nieŭzabavie ŭstalujuć u Połacku. Pra heta paviedamiŭ dyrektar dziaržpradpryjemstva «Kinavideasietka» Fieaktyst Fiadotaŭ.
Biust aŭtaru pryhodnickaha filma «Lasnaja Byl» paŭstanie ŭ histaryčnym centry Połackunasuprać adzinaha połackaha kinateatru «Radzima», niepadalok ad pomnika Simiaonu Połackamu. Uračystaja cyrymonija adkryćcia biusta adbudziecca 28 traŭnia, padčas vystupiać pradstaŭniki «Biełaruśfilmu», a połackaja śpiavačka Natalla Čatviarakova zaśpiavaje «Pieśniu pra kino».
«Juryj Taryč bolšaść svajho žyćcia prabaviŭ pa-za miežami Połacku, — kaža Fieaktyst Fiadotaŭ. — Ale faktyčna svajoj tvorčaściu jon usłaviŭ naš horad».
Akramia vializnaha ŭniosku ŭ ajčynny kiniematohraf, režysior, aktor i scenaryst Juryj Taryč (1885-1967) mieŭ cikavuju bijahrafiju. Pałačanin, jon byŭ pieršym, chto faktyčna raspačaŭ leninianu: zrabiŭsia pieršym aktoram, jaki na prafiesijnaj scenie syhraŭ Lenina. U 1921 u jakaści kiraŭnika Kursanckaha teatra ŭ maskoŭskim Kramli pastaviŭ pjesu «Zhuba svojeŭładździa» i syhraŭ u joj hałoŭnuju rolu. U 1926 pavodle apovieści Michasia Čarota «Śvinapas»Taryč źniaŭ film «Lasnaja byl»pra partyzanskuju baraćbu biełarusaŭ padčas saviecka-polskaj vajny. Da žalu, stužka całkam nie zachavałasia. Juryj Taryč pastaviŭ šmat mastackich i dakumientalnych filmaŭ: «Kryły chałopa», «Nianaviść»…
Padčas vajny ŭznačaliŭ sfarmavanaje na terytoryi Savieckaha Sajuza «Manhołkino» i źniaŭ adzin ź pieršych manholskich filmaŭ «Stepavyja viciazi».Sumiesna z Korš-Sablinym źniaŭ u 1942 stužku «Biełaruskija navieły». U 1984 «Biełaruśfilm» zrabiŭ dakumientalny stužku «Staronki jaho palotu», pryśviečanuju Juryju Taryču.
