U Biełarusi skaročany pieralik tavaraŭ, jakija adnosiacca da niecharčovaj pradukcyi z utrymańniem śpirtu, da jakich užyvajucca miery dziaržaŭnaha rehulavańnia pry ažyćciaŭleńni ich abarotu. Pry hetym indyvidualnyja pradprymalniki i jurasoby atrymali prava impartavać i pradavać optam vyklučanyja ź pieraliku tavary bieź licenzii. Adpaviednaje rašeńnie pryniata pastanovaj Savieta ministraŭ № 696 ad 7 maja 2010 hoda.
Jak paviedamiła pres‑słužba ŭrada, ź pieraliku tavaraŭ, jakija adnosiacca da niecharčovaj pradukcyi z utrymańniem śpirtu, da jakich prymianiajucca miery dziaržaŭnaha rehulavańnia pry ažyćciaŭleńni ich abarotu, vyklučany masła efirnaje, rezinoidy, ekstrahavanaje efirnaje masła z abjomnaj dolaj etyłavaha śpirtu 7 i bolš pracentaŭ u spažyvieckaj tary (ŭpakoŭcy), maksimalny abjom jakoj składaje 25 mł; duchi, adekałony, tualetnaja i duchmianaja vada ŭ spažyvieckaj tary (ŭpakoŭcy), maksimalny abjom jakoj składaje 150 mł, nabory takoj pradukcyi — 450 mł.
U lik vyklučanych taksama ŭvachodziać kaśmietyčnyja srodki dla dohladu za skuraj (akramia lekavych): srodki dla ačystki skury tvaru, łaśjony, toniki, maski ačyščalnyja i inšyja anałahičnyja srodki z abjomnaj dolaj etyłavaha śpirtu 7 i bolš pracentaŭ u spažyvieckaj tary (ŭpakoŭcy), maksimalny abjom jakoj składaje 250 mł, naboraŭ takoj pradukcyi — 450 mł. Akramia taho, vyklučany sa śpisu srodki dla ŭmacavańnia i ŭkładki vałasoŭ, chimičnaj i chałodnaj zaviŭki vałasoŭ, fiksacyi pryčoski i inšyja anałahičnyja srodki z abjomnaj dolaj etyłavaha śpirtu 7 i bolš pracentaŭ u spažyvieckaj tary (ŭpakoŭcy), maksimalny abjom jakoj składaje 500 mł; eliksiry dla pałaskańnia i duchmianyja sastavy dla połaści rota z abjomnaj dolaj etyłavaha śpirtu 7 i bolš pracentaŭ u spažyvieckaj tary (ŭpakoŭcy), maksimalny abjom jakoj składaje 300 mł; łaśjony paśla haleńnia, dezadaranty i antypierśpiranty indyvidualnaha pryznačeńnia ŭ spažyvieckaj tary (ŭpakoŭcy), maksimalny abjom jakoj składaje 250 mł, naboraŭ takoj pradukcyi — 450 mł.
Da nabyćcia mocy pastanovy № 696 jurydyčnyja asoby i indyvidualnyja pradprymalniki mieli prava ažyćciaŭlać uvoz nazvanaj pradukcyi pry najaŭnaści licenzii na impart takoj pradukcyi, a jurydyčnyja asoby — aptovy handal imi, ale pry najaŭnaści śpiecyjalnaha dazvołu (licenzii) na dziejnaść. Z pryniaćciem hetaj pastanovy takija patrabavańni nie raspaŭsiudžvajucca na abarot pieraličanych tavaraŭ. Adpaviedna, jurydyčnyja asoby i indyvidualnyja pradprymalniki ciapier majuć prava ažyćciaŭlać impart i aptovy handal zhadanaj niecharčovaj pradukcyjaj z utrymańniem śpirtu biez najaŭnaści adpaviednych śpiecyjalnych dazvołaŭ (licenzii), rastłumačyła pres‑słužba ŭrada.
Maryna Nosava, BiełaPAN.
