Partyja Biełaruskaj chryścijanskaj demakratyi vystupiła ź inicyjatyvaj utvaryć alternatyŭny ŭrad dla adzinaha kandydata na prezydenta.
Suzasnavalniki partyi Vital Rymašeŭski i Pavał Sieviaryniec pačali kansultacyi z palityčnymi i hramadzkimi liderami, a taksama niezaležnymi ekspertami adnosna farmavańnia kamandy adzinaha kandydata ad demakratyčnych siłaŭ.
Na dumku pradstaŭnikoŭ BCHD, alternatyŭny ŭrad pavinien pradstavić prahramu pieramienaŭ dla Biełarusi ŭ vyhladzie kankretnych zakonaprajektaŭ i śpisu asobaŭ, jakija hatovyja ździejśnić reformy.
Planujecca, što ŭ skład alternatyŭnaha ŭradu ŭvojduć nia mienš za 20 cieniavych ministraŭ — admysłoŭcaŭ u halinach dziaržaŭnaha kiravańnia, ekanomiki, sacyjalnaj palityki, adukacyi i kultury.
«My prapanujem zrabić raskrutku alternatyŭnaha ŭradu stryžniem kampanii adzinaha kandydata, — kaža Pavał Sieviaryniec. — Kali padčas prezydenckaj kampanii buduć štotydniova prezentavacca asobnyja kirunki dziejnaści novaha ŭradu, — demakratyčnaja alternatyva zrobicca dla biełarusaŭ značna bolš zrazumiełaj. Dla taho kab ludzi pajšli za nami — i ŭ kampaniju, i na Płošču, — jany pavinny jasna ŭjaŭlać, za jakija pieramieny my zmahajemsia i što my budziem rabić paśla pieramohi».
