Admiena ZŠA sankcyj u adnosinach da biełaruskich pradpryjemstvaŭ daść šturšok da kanstruktyŭnaha i sistemnaha dyjałohu z amierykanskim bokam. Pra heta zajaviŭ pres‑sakratar MZS Biełarusi Andrej Savinych, paviedamlaje BIEŁTA.

«Što da padaŭžeńnia maratoryju na ŭžyvańnie sankcyj u dačynieńni da dźviuch našych pradpryjemstvaŭ, my razhladajem heta jak rašeńnie ŭ pravilnym kirunku. Pierad dvuma partniorami staić zadača pa rasstykoŭcy tych zavałaŭ, jakija ŭźnikli ŭ dźviuchbakovych adnosinach u minułyja hady», — skazaŭ Andrej Savinych.

Pavodle Savinych, Biełaruś kanstruktyŭna padychodzić da hetaj prablemy i hatovaja da surjoznaha dyjałohu z ZŠA.

«Pierakananyja, što my mahli b šmat zrabić u intaresach dźviuch dziaržaŭ, i ličym, što admiena sankcyj u pryncypie źjaŭlajecca važnaj umovaj dla pačatku takoha dyjałohu», — padkreśliŭ pres‑sakratar MZS.

***

U listapadzie 2007 hoda ZŠA ŭviali ekanamičnyja sankcyi ŭ dačynieńni da kancerna «Biełnaftachim» u suviazi z parušeńniem pravoŭ čałavieka ŭ Biełarusi, a ŭ sakaviku 2008 hoda — da ŭsich pradpryjemstvaŭ «Biełnaftachima».

U vieraśni 2008 hoda ŭ dačynieńni da dvuch AAT — «Łakafarba» i «Połack‑Škłovałakno» Minfin ZŠA na paŭhoda źmiakčyŭ sankcyi. U lutym 2009 hoda dziejańnie hetaha rašeńnia było padoŭžanaje da 1 červienia, zatym — da 30 listapada 2009 hoda.

Dniami źmiakčeńnie sankcyj u dačynieńni da dvuch zhadanych pradpryjemstvaŭ «Biełnaftachima» znoŭ było padoŭžanaje na paŭhoda — da 30 listapada 2010 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?