Niečarhovy źjezd Partyi BNF prajšoŭ 29 maja ŭ Pałacy kultury Minskaha traktarnaha zavoda.
Ryhor Kastusioŭ. Fota radyjo «Svaboda».
Lider Partyi Alaksiej Janukievič na im zaznačyŭ: «My ŭsie viedajem, što Łukašenka nie źbirajecca pravodzić budučyja vybary pa inšym, čym u minułyja hady — 2001 i 2006, scenary».
Na prezidenckich vybarach Partyja BNF budzie zmahacca na dvuch frantach — suprać Łukašenki i prarasijskaha kandydata.
Pavodle słoŭ Janukieviča, budučyja prezidenckija vybary buduć mieć adnu admietnuju asablivaść: Rasija na hetych vybarach nie budzie padtrymlivać Łukašenku.
«Kreml i Łukašenka pačali sapraŭdnuju vajnu. U takoj situacyi vialikaja vierahodnaść udziełu ŭ vybarach prarasijskaha kandydata. U jaho buduć układzieny surjoznyja finansavyja i intelektualnyja resursy», — miarkuje Janukievič.
Lider partyi ŭpeŭnieny, što ŭłady nie źbirajucca pravodzić bolš libieralnyja i demakratyčnyja vybary. «Dumaju, vybary navat buduć prachodzić u horšych umovach u płanie dostupu da infarmacyi, a taksama pracedury padliku hałasoŭ», — skazaŭ jon.
Janukievič miarkuje, što ŭ apazicyi jość šancy na pieramohu. «Kab pieramahčy, partyi nieabchodna abjadnać vakoł siabie
Najbolš vierahodny partyjny pretendent — - namieśnik staršyni Partyi BNF Ryhor Kostusieŭ. Aprača taho, častka partyi ličyć nieabchodnym padtrymać na vybarach lidera ruchu «Za Svabodu» Alaksandra Milinkieviča jak najmacniejšaha pravacentrysckaha kandydata. Treciaja častka frontaŭcaŭ schilajecca da padtrymki levacentrysckaj kaalicyi, nie da kanca jasny abrys vymaloŭvajecca vakoł kampanii «Havary praŭdu», postkamunistaŭ i Kazulina. Narešcie, Viktar Ivaškievič, były namieśnik staršyni partyi, budzie ŭdzielničać u kampanii Andreja Sańnikava, kaardynatara «Chartyi'97».
